“Barselona” “İndependiente”nin müdafiəçisi Kevin Lomonasonu transfer etməyi planlaşdırır.
90deqiqe.Az “TyC Sports”a istinadən xəbər verir ki, 23 yaşlı futbolçuya maraq Ronald Arauxo və Andreas Kristensenin klubdan ayrılma ehtimalı ilə əlaqədardır. Transfer baş tutacağı halda, “İndependiente” futbolçu üçün 17 milyon avro tələb edir.
Lomonaso bu ilin iyununda DÇ-2026-nın seçmə mərhələsi üçün Argentina millisinə dəvət olunub, lakin həmin oyunlarda iştirak etməyib. Transfermarkt futbolçunun bazar dəyərini 12 milyon avro qiymətləndirir.
