Biləsuvarda Şəhid Seymur Abdulla oğlu Abdullayevin anım günündə xatirəsi yad edildi - Vətən Naminə

Ziyarətdə YAP Biləsuvar rayon təşkilatının sədr müavini Aqşin Qasımov, Deputatın köməkçisi Əfsun Əlizadə, Azərbaycan Qarabağ Müharibəsi Əlilləri, Veteranları və Şəhid Ailələri İB Biləsuvar rayon filialının sədri, II qrup Qarabağ əlili Bəhruz Əliyev və ictimaiyyət nümayəndələri iştirak ediblər. Ziyarətçilər şəhidimizin keçdiyi döyüş yolundan, göstərdiyi xidmətlərindən və şücaətindən bəhs edərək yaxınlarına baş sağlığı vermişlər.
Məlumat üçün qeyd edək ki, Azərbaycan Ordusunun əsgəri olmuş Abdullayev Seymur Abdulla oğlu 1 oktyabr 1975-ci ildə Biləsuvar şəhərində anadan olmuşdur. Biləsuvar şəhər 4 nömrəli tam orta məktəbində təhsil almışdır. 6 yanvar 1994-cü ildə Biləsuvar rayon Hərbi Komisarlığı tərəfindən hərbi xidmətdə çağrılmışdır. 20 aprel 1994-cü ildə Ağdam rayonunun Nəmirli kəndi uğrunda döyüşlərdə itkin düşmüşdür. Biləsuvar rayon məhkəməsinin 17 aprel 1997-ci il tarixli qərarına əsasən şəhid statusu verilmişdir.
Allah şəhidlərimizə rəhmət eləsin!

©2024 Hüquqları qorunur.

Vətən Naminə Media Qrup

• Haqqımızda
• Galereya
• Saytın istifadə qaydaları
• Əlaqə

Bizi izləyin