Beynəlxalq Enerji Agentliyi (IEA) bu il üçün gündəlik qlobal neft hasilatı üzrə proqnozunu artırıb.
Bu barədə “APA-Economics” Beynəlxalq Enerji Agentliyinin aylıq hesabatına istinadən xəbər verir.
Hesabata əsasən, agentlik 2024-cü ildə gündəlik qlobal neft tədarükünün 1,7 mln. barel artaraq 103,8 mln. barel çatacağını ehtimal edir (öncəki proqnoz – 103,5 mln. barel).
Bildirilir ki, qlobal neft hasilatının artımı ABŞ, Braziliya, Qayana və Kanada hesabına mümkün olacaq. Proqnoza əsasən, qeyd ölkələr gələn il hasilatı 1,4 mln. barel artıracaq.
