Belarus Prezidenti Aleksandr Lukaşenko ölkəsinin Ukraynadakı hərbi münaqişədə iştirakı və ordu bölmələrinin cəbhə xəttinə yeridilməsi ehtimalları ilə bağlı növbəti dəfə çox kəskin və sensasiyalı bəyanatla çıxış edib.
Musavat.com xəbər verir ki, Belarus lideri indiyə qədər Ukrayna ərazisində Belarus əsgərlərinin olmadığını və bundan sonra da olmayacağını qəti şəkildə bəyan edib. Lakin bununla yanaşı, Lukaşenko Qərbə və Kiyevə yönəlmiş çox ciddi bir hərbi xəbərdarlıq ssenarisini də diqqətə çatdırıb.
O, Minskə qarşı edilə biləcək hər hansı bir hərbi təcavüzün bütün regionu alova bürüyəcəyini vurğulayaraq bildirib: "Əgər hər hansı bir ərazidən Belarusa qarşı birbaşa hərbi hücum reallaşdırılarsa, o zaman Ukrayna ərazisində gedən bu müharibə tamamilə fərqli bir keyfiyyət və görünməmiş geniş miqyas alacaq".
Ekspertlər Belarus rəhbərinin bu çıxışını ölkə sərhədlərinə yaxınlaşan hərbi təhdidlərə qarşı kollektiv cavab mexanizminin işə düşə biləcəyinə dair verilmiş ən sərt diplomatik ismarışlardan biri kimi qiymətləndirirlər.
Musavat.com
