Demokrat.az xəbər verir ki, tədbirdə giriş nitqi ilə çıxış edən Azərbaycanın Çexiyadakı səfiri Yaşar Əliyevlə yanaşı, yüksəksəviyyəli qonaqlar - ölkənin Baş naziri Andrey Babiş və Çexiya parlamentinin aşağı palatasının spikeri Tomio Okamura da iştirak ediblər.
Çexiyanın Baş naziri Andrey Babiş çıxışında bildirib ki, bu gün Azərbaycan və Çexiya arasında münasibətlər əla və dinamik şəkildə inkişaf edir, iki ölkə arasında əməkdaşlıq isə bir çox sahələrdə möhkəmlənməkdə davam edir. O, iştirakçıların diqqətinə çatdırıb ki, iqtisadi əməkdaşlıq ikitərəfli tərəfdaşlığın əsas sütunlarından biridir və Çexiya şirkətləri azərbaycanlı tərəfdaşlarla əməkdaşlığı yüksək qiymətləndirirlər. Çexiya hökumətinin başçısı enerji əməkdaşlığına xüsusi önəm verərək bildirib ki, Azərbaycan Çexiyaya xam neftin ən böyük təchizatçısıdır. A.Babişin sözlərinə görə, enerji təhlükəsizliyinin xüsusi əhəmiyyət kəsb etdiyi indiki şəraitdə Azərbaycan kimi etibarlı tərəfdaşa malik olmaq Çexiya üçün strateji əhəmiyyət daşıyır.
Baş nazir, həmçinin Azərbaycana son səfərini xatırladaraq qeyd edib ki, səfər çərçivəsində Qəbələdə Prezident İlham Əliyevlə görüş keçirilib. O bildirib ki, Çexiya nümayəndə heyətini 40-dan çox şirkətin təmsilçiləri müşayiət ediblər ki, bu da Çexiyanın iqtisadi əlaqələrin daha da genişləndirilməsində və biznes üçün yeni imkanların yaradılmasında maraqlı olduğunu göstərir.
A.Babiş əlavə edib ki, Azərbaycanın inkişaf tempi, ölkənin məqsədləri və gələcəyə inamı onu heyran edib. O, Prezident İlham Əliyevin rəhbərliyi altında Azərbaycan xalqının qonaqpərvərliyini və açıqlığını xüsusi vurğulayıb. Onun sözlərinə görə, Çexiya Azərbaycanla münasibətləri etimad, praktiki əməkdaşlıq və qarşılıqlı fayda əsasında bundan sonra da möhkəmləndirmək niyyətindədir.
Çıxışlardan sonra hər iki ölkənin incəsənət ustalarının iştirakı ilə konsert proqramı təqdim olunub.
Demokrat.az
10Mənbələr
-
moderator.azAndrey Babiş:“Azərbaycanın inkişaf tempi, ölkənin məqsədləri və gələcəyə inamı məni heyran etdi“ ( 29042011)
-
moderator.azAndrey Babiş:"Azərbaycanın inkişaf tempi, ölkənin məqsədləri və gələcəyə inamı məni heyran etdi" ( 29041873)
-
bizim.mediaAndrey Babiş: “Azərbaycanın inkişaf tempi və gələcəyə inamı məni heyran edib” - FOTO ( 29041711)
-
publika.az“Azərbaycanın inkişaf tempi, məqsədləri və gələcəyə inamı məni heyran edib” ( 29041651)
-
demokrat.azÇexiyada Azərbaycanın Müstəqillik Günü münasibətilə qəbul təşkil edilib — FOTOLAR ( 29041225)
-
musavat.comAndrey Babiş:"Azərbaycanın inkişaf tempi, ölkənin məqsədləri və gələcəyə inamı məni heyran etdi" ( 29041105)
-
bizim.mediaÇexiya ilə Azərbaycan arasında dinamik inkişaf edən münasibətlər mövcuddur Baş nazir FOTO ( 29033212)
-
bizim.mediaÇexiya ilə Azərbaycan arasında dinamik inkişaf edən münasibətlər mövcuddur - Baş nazir - FOTO ( 29033215)
-
far.azBabiş: Çexiya ilə Azərbaycan arasında münasibətlər dinamik inkişaf edir ( 29033080)
-
azpost.infoÇexiya ilə Azərbaycan arasında münasibətlər dinamik inkişaf edir –Çexiyanın Baş naziri ( 29032534)
