ain.az, Demokrat.az portalına istinadən məlumat yayır.
Sağlam yaşamaq, gənc qalmaq və xəstəliklərdən qorunmaq üçün bədənimizdəki iltihab proseslərini minimuma endirmək şərtdir. Antioksidantlar hüceyrələri zədələnməkdən qoruyan, qocalmanı gecikdirən və immuniteti polad kimi gücləndirən ən əhəmiyyətli maddələrdir. Diyetoloqlar və tibb mütəxəssisləri orqanizmi zərərli maddələrdən təmizləyən və bədəndə gəncləşmə effekti yaradan ən güclü antioksidant qaynaqlarının siyahısını açıqlayıb.Demokrat.az-ın məlumatına görə, mütəxəssislər hər kəsin rahatlıqla tapa biləcəyi bəzi qidaların əslində ürək xəstəliklərindən xərçəngə qədər bir çox ağır fəsada qarşı qalxan rolunu oynadığını bildirir.Şirin təmizləyicilər: Tünd şokolad və qəhvəBir çox insanın sevdiyi bəzi qidalar əslində bədənin hüceyrə səviyyəsində yenilənməsinə xidmət edir:Tünd şokolad: Kakao miqdarı yüksək olan tünd şokolad flavonoidlər və polifenollarla zəngindir. Hüceyrələri sərbəst radikalların zərərli təsirlərindən qoruyur, ürək sağlamlığını yaxşılaşdırır və əhval-ruhiyyəni qaldırır.Qəhvə: Beyin fəaliyyətini qoruyan və infeksiyaları azaldan bioaktiv maddələrlə zəngindir. Mütəxəssislər qəhvənin antioksidant gücünü qorumaq üçün orta dərəcədə qovrulmuş dənələrdən istifadə etməyi məsləhət görürlər.Beyin və ürək dostu: ÇərəzlərQoz və pekan qozu: Tərkibindəki vitaminlər və xüsusi turşular sayəsində bədəndəki oksidləşdirici stressi azaldır. Bu çərəzlər xərçəng riskini minimuma endirir, daxili iltihabı qurudur və bağırsaq sağlamlığını mükəmməl şəkildə dəstəkləyir.Təbiətin şəfalı meyvələri və tərəvəzləriAlma: Xüsusilə almanın qabığı immunitet sistemini dəstəkləyən və hüceyrə zədələnməsinin qarşısını alan maddələrlə doludur. Qaraciyər fəaliyyətini yaxşılaşdırır və daxili iltihabı azaldır.Nar: Hüceyrələri qoruyan ən güclü antioksidant depolarından biridir.Şirin kartof və kələm: Bədəndəki zərərli maddələrlə mübarizə aparır, dərinin yaşlanmasının qarşısını alır və toxumaları gəncləşdirir.Protein və lif bombaları: PaxlalılarQara və qırmızı lobya: Sərbəst radikallarla mübarizə aparan elementlərlə zəngindir. Eyni zamanda yüksək zülal və lif qaynağı olduğu üçün çəkini nəzarətdə saxlamağa kömək edir və şəkərli diabet riskini azaldır.Mətbəxdəki gizli qoruyucular: Ədviyyatlar və çaySarıkök (Kurkuma): Tərkibindəki möcüzəvi maddə sayəsində bədəndəki iltihabla mübarizə aparır, piylənmə və şəkər xəstəliyinin müalicəsini dəstəkləyir.Mixək və darçın: Hüceyrələrin qocalmasının qarşısını alır, həzm sistemini zərərli bakteriyalardan təmizləyir və daxili orqanları qoruyur.Yaşıl çay: İltihab əleyhinə və xərçəngdən qoruyucu xüsusiyyətlərə malik ən təbii və təmiz antioksidant içkisidir.Demokrat.az xatırladır ki, gənc və sağlam qalmaq üçün bahalı preparatlara ehtiyac yoxdur. Rasionunuza bu təbii qidaları müntəzəm əlavə etməklə orqanizminizi daxildən yeniləyə bilərsiniz.Jalə
Demokrat.az Ən son xəbərləri və yenilikləri almaq üçün ain.az saytını izləyin.
