ain.az, Bizimyol portalından verilən məlumatlara əsaslanaraq xəbər verir.
Böyük Britaniya İsrailin Londona təyin olunmuş səfiri Tsaxi Bravermanın diplomatik etimadnamələrinin təsdiqini onunla bağlı məhkəmə araşdırmaları başa çatana qədər müvəqqəti olaraq gündəmə gətirməyi planlaşdırmır.
Bizimyol.info xəbər verir ki, bu barədə 13-cü kanal diplomatik mənbələrə istinadən məlumat yayıb.
Məlumata görə, Britaniya tərəfi əvvəllər İsrailin baş nazir aparatının sabiq rəhbəri olmuş Bravermanı qəbul etməyə hazır idi. Lakin ona qarşı cinayət işinin açılması ilə bağlı xəbərlərdən sonra Londonun mövqeyi dəyişib.
İsrail Baş Prokurorluğu daha əvvəl Bravermana qarşı dələduzluq, etibardan sui-istifadə və ədalət mühakiməsinə mane olmaq ittihamlarının irəli sürülməsinin planlaşdırıldığını açıqlamışdı. İş məxfi sənədlərin sızdırılması ilə bağlı aparılan istintaqın müzakirəsi və araşdırmanın gedişinə mümkün müdaxilə iddiaları ilə əlaqələndirilir.
Diplomatik mənbələrin sözlərinə görə, Böyük Britaniyada səfirlərin təsdiqi formal olaraq ölkənin Xarici İşlər Nazirliyinin tövsiyəsi və kral sarayının razılığı əsasında həyata keçirilir. Mənbələr qeyd edirlər ki, İsrail alternativ namizəd məsələsini nəzərdən keçirməli ola bilər.
Bununla yanaşı, İsrail rəsmiləri hesab edirlər ki, Braverman ittiham irəli sürülsə belə vəzifəyə başlaya bilər və yalnız məhkəmənin ittiham hökmü çıxarması halında postunu tərk etməli olacaq.
Britaniya qurumları isə məsələ ilə bağlı hələlik rəsmi açıqlama verməyib.
Bizimyol.info
Ən son xəbərləri və yenilikləri almaq üçün ain.az saytını izləyin.
