Aprelin 26-da keçirilmiş buraxılış imtahanında Abşeron və Sumqayıt ümumtəhsil müəssisələrinin 9-cu sinif şagirdləri yüksək nəticə əldə ediblər.
Publika.az xəbər verir ki, bu barədə Abşeron-Xızı təhsil idarəsi məlumat yayıb.
Bildirilib ki, Abşeron rayonunun Qobu qəsəbə 1 saylı tam orta ümumtəhsil məktəbinin şagirdi Gülay Ruslan qızı Abdullayeva və Sumqayıt şəhər təbiət elmləri təmayüllü gimnaziyasının şagirdi Emin Elman oğlu Abdullah maksimum nəticə göstərərək 300 bal toplayıblar.
