“CFİ Financial İnvestisiya Şirkəti” QSC-nin 31 dekabr 2025-ci il tarixində bitən il üzrə Maliyyə Hesabatlarını dərc edib.
Marja.az xəbər verir ki, keçmiş "AzFinance İnvestisiya Şirkəti”nin hüquqi varisi olan “CFİ Financial İnvestisiya Şirkəti” aktiv fəaliyyətə hazırlaşır.
Hesabatdan məlum olur ki, şirkət daha aktiv fəaliyyətə başlamaq üçün investisiya və xərclərini artırıb. Belə ki, Şirkətin işçi heyəti ilə bağlı xərcləri 2025-ci ildə 1 milyon 465 min 942 manat təşkil edib. 2024-cü ildə bu məbləğ 732 min 400 manat idi. Bu isə 733 min 542 manat və ya 100,2% (2 dəfə) artım deməkdir.
Şirkətin əməliyyat xərcləri 503 min 755 manatdan 2 milyon 719 min 695 manata yüksəlib. Artım 2 milyon 215 min 940 manat və ya 439,9% olub.
“CFİ Financial İnvestisiya Şirkəti” QSC-nin cəmi aktivləri 2025-ci ilin sonunda 5 milyon 046 min 509 manat təşkil edib. Şirkətin cəmi uzunmüddətli aktivləri 2 milyon 455 min 293 manatdan 3 milyon 463 min 516 manata yüksəlib. Artım 1 milyon 8 min 223 manat və ya 41,1% təşkil edib. Bu artımda əsas rol əmlak və avadanlıqların artmasına məxsusdur. Belə ki, bu göstərici 606 min 012 manatdan 1 milyon 806 min 510 manata yüksəlib. Artım 1 milyon 200 min 498 manat və ya 198,1% olub.
Ötən il “CFİ Financial İnvestisiya Şirkəti” investiya və xərclərinin böyük hissəsini (4 milyon 243 min 403 manat) 5 milyon 756 min 895 manat cəmi kapitalı hesabına həyata keçirib. 2025-ci ilin sonunda Şirkət 1 milyon 513 min 492 manat cəcmi kapitala malik olub.
