İki gün sonra – mayın 27-28-də ölkəmizdə müsəlman dünyasının ən müqəddəs bayramlarından biri olan Qurban bayramı qeyd olunacaq. Bununla bağlı artıq paytaxtda və bölgələrdə bayram hazırlıqları sürətlənib. İnsanlar qurbanlıq heyvan almaq, bayram süfrəsi hazırlamaq və ehtiyacı olan ailələrə yardım etmək üçün bazarlara üz tuturlar.
Qeyd edək ki, hər il olduğu kimi, bu dəfə də bayram öncəsi qurbanlıq heyvanların və ümumilikdə ətin qiymətində artım müşahidə olunur.
Bəs Bakı sakinlərindən kimlər bu il qurban kəsəcək?
TV Musavat-ın əməkdaşları bu sualla Bakı sakinlərinə müraciət edib, onların rəyini öyrənib.
Hazırladığımız videosorğunu təqdim edirik:
Xalidə Gəray
Rafət Şahbazov
Musavat.com
