Banco.az portalından verilən məlumata görə, ain.az xəbər yayır.
Müəllif: Tamara Mustafayeva, Banco.az
İtaliya fond bazarı 26 ildən sonra ilk dəfə rekord həddə çatıb.
Banco.az xəbər verir ki, İtaliyada səhm bazarı enerji və çip sahələrinin timsalında son 26 ildə ilk dəfə rekord səviyyəyə yüksəlib.
“FTSE MIB” indeksi bazar ertəsi günü 1,2 faizə qədər artaraq 50 min 121 bəndə çatıb və 26 il əvvəl qeydə alınmış əvvəlki rekordu geridə qoyub. İtaliyada səhmlər ardıcıl üç il davam edən yüksəlişdən sonra 2026-cı ildə də 11 faiz artım nümayiş etdirib.
Avropa birjaları pandemiyadan sonrakı dövrdə bir çox rekord səviyyələrə yüksəlib. “Euro Stoxx 50” və Almaniyanın “DAX” indeksi bu il yeni zirvələrə çatdığı halda, İtaliya əvvəlki rekord səviyyəsindən aşağıda ticarət olunan yeganə böyük Avropa bazarı olmuşdu.
Ötən il İtaliya bazarındakı yüksəlişin əsas hərəkətverici qüvvəsi banklar idi. Bu il isə “Tesla” və “Apple” şirkətlərinin çip təchizatçısı olan “STMicroelectronics NV” indiyədək 156 faiz dəyər qazanıb.
Neft və təbii qaz qiymətlərindəki artımla birlikdə enerji şirkətləri olan “Saipem Spa” və “Eni SpA” 2026-cı ildə müvafiq olaraq 73 faiz və 41 faiz dəyər qazanıb. “Stellantis” və “Fincantieri” isə bu il indiyədək indeksdə ən çox geriləyən şirkətlər sırasında yer alıb.
Bizi sosial şəbəkələrdən izləyin!!
Daha ətraflı məlumat və yeniliklər üçün ain.az saytını izləyin.
