500-dən çox qrenlandiyalı ABŞ Prezidenti Donald Trampın ada üzərində nəzarəti ələ keçirmək istəyinə etiraz olaraq nümayiş keçirib.
"Ölkə.az" xəbər verir ki, bu barədə "France-Presse" agentliyi məlumat yayıb.
Aksiya paytaxt Nuukda yeni ABŞ konsulluğu binasının açılışından sonra keçirilib.
Aksiyada "Evə qayıt, ABŞ" və "Biz satılmırıq" yazılı plakatlar qaldırılıb, Qrenlandiyanın qırmızı-ağ bayrağı dalğalandırılıb.
Etirazçılar konsulluq binasına arxalarını çevirərək ABŞ-dan narazılıqlarını sükutla ifadə etdilər.
ABŞ-nin Danimarkadakı səfiri Kennet Hoveri konsulluq binasının açılışında çıxış edərək Trampın Qrenlandiyanı ələ keçirmək üçün güc tətbiqini istisna etdib və qrenlandiyalıların öz gələcəklərini müəyyən edəcəklərini deyib.
Qrenlandiyanın Baş naziri Yens-Fridrix Nilsen açılış mərasimində iştirak etmək dəvətini rədd edib.
