“Rusiyanın Ermənistan xalqına münasibəti dostcasınadır, lakin Rusiya Ermənistanda baş verən proseslərə səssiz qala bilməz”.
Missiya.Az xəbər verir ki, bunu Rusiya Dövlət Dumasının sədri Vyaçeslav Volodin özünün sosial şəbəkə hesabında yazıb.
"Ermənistanın Baş naziri Nikol Paşinyan artıq bütün siyasi qərarlarını verib - Rusiyaya dost olmayan, Rusiyanı məhv etməyə çalışan ölkələrlə münasibətlər qurmaq", - deyə siyasətçi vurğulayıb.
Volodin qeyd edib ki, Paşinyanın Avrasiya İqtisadi Birliyində (AİB) qalmaq istəyi Avrasiya məkanını maliyyə məqsədləri üçün istismar etməyə davam etmək cəhdidir və bu, artıq Ermənistanın ÜDM-nin 2,5 dəfə artmasına səbəb olub:
"Biz Ermənistana qazı təxminən dörd dəfə ucuz qiymətə veririk və bu, öz ziyanımızadır. Bu çətin dövrlərdə biz Ermənistan iqtisadiyyatını və vətəndaşlarını dəstəkləyirik. Bunun müqabilində Paşinyanın alçaqlığını və vicdansızlığını alırıq", - deyə siyasətçi əlavə edib.
Volodin qeyd edib ki, Ermənistanın baş naziri Rusiya Federasiyasına qarşı dostcasına olmayan siyasət yürüdür, Rusiyanın təklif etdiyi imkanlardan kinayə ilə istifadə edir.
Daşqın HəsənovMissiya.Az
