"Gəncədə Şəhidlər Muzeyinin yaradılmasını təklif edirəm. Birinci Qarabağ müharibəsi, Aprel döyüşləri, Tovuz döyüşləri, lokal antiterror tədbirləri şəhidlərinə həsr olunmuş muzeyin yaradılmasına zərurət var. Şəhidlərimizin yaddaşlarda yaşaması üçün bu muzeyin yaradılmasının əhəmiyyəti böyük olardı. Bu bizim şəhidlərimiz qarşısında borcumuzdur. Xatirə Kitabı Re­dak­si­yası şəhidlərimizin adlarının və xatirələrinin əbədiləşdirilməsi məqsədilə kitablar çap edir. Xatirə Kitabı Re­dak­si­yasının gördüyü işlər çox əhəmiyyətlidir. Kitab tarixdir, yaddaşdır. Eyni zamanda hesab edir ki, şəhidlərimiz barədə silsilə filmlər çəkilməlidir. Necə ki, vaxtilə İkinci Dünya müharibəsində şəhid olan oğullara bağlı filmlər çəkilirdi, indi də şəhidlərimiz barədə çəkilməlidir". Baki-xeber.com-un məlumatına görə, bunu Mədəniyyət Nazirliyi Respublika Xatirə Kitabı Re­dak­si­yasının Gəncə şəhər Məhsəti Gəncəvi Mərkəzində 44 günlük Vətən mü­haribəsində həlak olanların ad­la­rının və xatirələ­ri­nin əbədiləş­dirilməsi məqsədilə çap etdirdiyi "44 gün – Tarixi Zəfər" adlı ki­ta­bın II, III və IV cildlərinin təqdimat mərasimində şəhid Seyidzadə Mirhüseynin atası Miryunis Seyidzadə deyib. Şəhid atası vurğuladı ki, Gəncə şəhidləri ilə bağlı xüsusi sayt yaradılır və bütün Şəhidlər haqda məlumatlar yenilənir. İradə SARIYEVA Gəncə

• Gəncə
• Qarabağ Müharibəsi
• Antiterror Tədbirləri
• Aprel Döyüşləri
• Tovuz Döyüşləri
• Şəhidlər Muzeyi