Ermənistanın Rusiyadan uzaqlaşaraq Avropa Birliyinə yaxınlaşması ilə bağlı Rusiya Təhlükəsizlik Şurasında xüsusi işçi qrupunun bağlı qapılar arxasında xüsusi iclası keçirilib.
Ölkə.az xəbər verir ki, iclasda Ermənistanın Aİ-yə yaxınlaşması və atılacaq addımlar məsələsi müzakirə olunub.
Tədbirdə çıxış edən təhlükəsizlik şurasının katibi Sergey Şoyqu İrəvanaın ünvanına sərt hesabat xarakterli çıxış edərək deyib ki, Moskvada İrəvana qarşı xeyli şikayət siyahısı toplanıb.
Ermənistan rəhbərliyinin son vaxtlar Rusiya ilə müttəfiqlik münasibətlərinin ruhuna uyğun olmayan bir sıra addımlar atması heç kimə sirr olmadığını xatırladan Şoyqu bildirib ki, bu, Moskva üçün qəbuledilməzdir.
TŞ katibi bildirib ki, İrəvanın Brüsselə yaxınlaşması, 2025-2026-cı illərdə Rusiyaya qarşı düşmən olan bir sıra dövlətlərlə, xüsusən ABŞ və Böyük Britaniya ilə oxşar strateji tərəfdaşlıq müqavilələrinin bağlanması, hərbi və təhlükəsizlik sahəsində əməkdaşlığın dərinləşdirib, birgə hərbi təlimlər keçirməsi açıq-aşkar dostcasına olmayan hərəkətlərdir.
Şoyqu İrəvanaı eyni zamanda Beynəlxalq Cinayət Məhkəməsinə qoşulmasını, Rusiya vətəndaşlarının üçüncü ölkələrə ekstradisiyasını da Moskva üçün dost olmayan addım hesab edib.
Şoyqu Avropa Siyasi Birliyi sammitində Ukrayna prezidenti Vladimir Zelenskiyə Rusiya hakimiyyətinə qarşı bir platforma kimi istifadə etməsinə imkan verməsini İrəvanla Moskva arasında ən böyük qəzəbə səbəb olduğunu xüsusi qeyd edib.
Şoyqu sonda onu da qeyd edib ki, İrəvan hazırkı kursunu davam etdirərsə çox itirə bilər.
Şoyqunun çıxışından sonra görüş bağlı qapılar arxasında davam edib.
RF xarici işlər naziirnin müavini Mixail Qaluzin görüşün nəticələri barədə deyib ki, İrəvan Qərbin, o cümlədən Rusiyaya qarşı düşmənçilik siyasəti yürüdən Avropa İttifaqının əsl məqsədinin Ermənistanı Rusiyaya qarşı istifadə etmək olduğu barədə xəbərdarlıqlarımıza qulaq asmaq istəmir. "Ermənistan eyni anda iki toyda rəqs edə bilməyəcək", - Qaluzin İrəvana xəbərdarlıq edib.
Mürtəza
