“Neftçi” klubu kapitanı Emin Mahmudovla bağlı qərar verib.
KONKRET.az bizimmedia-ya istinadən xəbər verir ki, “ağ-qaralar” təcrübəli futbolçunu heç yerə buraxmaq fikrində deyil.
Baş məşqçi Yuri Vernidubun da etimad göstərdiyi millimizin üzvü ilə yeni müqavilə bağlamaq üçün danışıqlar artıq başlayıb. Onunla müqavilənin yaxın günlərdə imzalanması gözlənilir.
Qeyd edək ki, hazırkı müqaviləsi mövsümün sonunda başa çatacaq Emin Mahmudov 2017-ci ildən “Neftçi”də çıxış edir.
