Yeni Şəhər Gündəliyi ilə dayanıqlı inkişaf məqsədlərinin həyata keçirilməsini sürətləndirmək üçün bir çərçivəyə sahibik, Qlobal Pakt isə şəhərləri təhlükəsiz, nizamlı və qanuni miqrasiyanın əsas icraçıları kimi tanıyır.
APA xəbər verir ki, bunu Beynəlxalq Miqrasiya Təşkilatının Baş direktorunun müavini xanım Uqoçi Daniels WUF13 çərçivəsində keçirilən “Miqrasiya və şəhərlər: Təhlükəsiz, innovativ və davamlı idarəetmə çərçivəsi” adlı sessiyada bildirib.
“Artıq qlobal siyasət çərçivələri aydın əsaslar təqdim edir. Yeni Şəhər Gündəliyi və “Təhlükəsiz, nizamlı və qanuni miqrasiya üzrə Qlobal Pakt" bütün hökumət və bütün cəmiyyət yanaşmalarını tələb edir. Bunlar birlikdə bizə xatırladır ki, davamlı, inklüziv şəhər planlaşdırılması, əlçatan mənzil və xidmətlərə ədalətli çıxış seçim deyil, zərurətdir. Effektiv miqrasiya idarəçiliyi şəhərlərimizin gələcəyi üçün həyati əhəmiyyət daşıyır”, - o bildirib.
