Lent az saytından alınan məlumatlara görə, ain.az xəbər verir.
Anqola hökuməti sürətli urbanizasiya fonunda dayanıqlı şəhər inkişafını təmin etmək və mənzil problemini həll etmək üçün müxtəlif proqramlar həyata keçirir.
Lent.az “APA-Economics”-ə istinadən xəbər verir ki, bunu Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində təşkil olunan Yeni Şəhər Gündəliyi üzrə nazirlər görüşündə çıxış edən Anqolanın ictimai işlər, şəhərsalma və mənzil naziri Carlos Alberto dos Santos bildirib.
Onun sözlərinə görə, ölkədə urbanizasiya mənzil, nəqliyyat və kommunal infrastruktur sahəsində ciddi çağırışlar yaradır.
Nazir qeyd edib ki, Anqola bu problemlərin həlli üçün əlverişli mənzil tikintisini, dövlət-özəl tərəfdaşlığını və şəhərlərin yenidən qurulmasını əhatə edən proqramlar icra edir.
“Düzgün planlaşdırılan urbanizasiya iqtisadi artım, sosial inklüzivlik və iqlim dəyişikliklərinə uyğunlaşma üçün mühüm vasitədir”, – o vurğulayıb.
Ən son xəbərləri və yenilikləri almaq üçün ain.az saytını izləyin.
