Özbəkistanın Səmərqənd şəhərində sentyabr ayında Beynəlxalq Şahmat Federasiyasının (FİDE) Konqresi keçiriləcək. Oxuməni.az xəbər verir ki, FİDE mətbuat xidmətinin məlumatına görə, tədbirdə təşkilat rəhbərliyinin seçilməsi də olacaq.
Konqresin 20-27 sentyabr tarixlərində keçirilməsi planlaşdırılır. Prezident, vitse-prezident və digər FİDE rəsmilərinin seçkilərinin də daxil olduğu Baş Assambleyanın iclası 26-27 sentyabr tarixlərində keçiriləcək.
Xatırladaq ki, Arkadi Dvorkoviç 2018-ci ildən FİDE-nin rəhbəridir və 2022-ci ildə yenidən bu vəzifəyə seçilib. Ondan əvvəl Rusiya dövlət xadimi və iş adamı Kirsan İlyumjinov təşkilata 23 il rəhbərlik edib.
FİDE Konqresi, eyni zamanda Səmərqənddə keçiriləcək 46-cı Ümumdünya Şahmat Olimpiadası ilə paralel olaraq keçiriləcək.
Almaz Həsənli
