Gürcüstanın Qardabani rayonunun azərbaycanlıların yaşadığı Birlik kəndində ağır yol qəzası baş verib.
APA-nın yerli bürosu xəbər verir ki, yüksək sürətlə hərəkət edən BMW markalı avtomobil ağaca çırpılıb.
Hadisə nəticəsində avtomobildə olan altı nəfərdən beşi ölüb. Biri isə ağır vəziyyətdə xəstəxanaya çatdırılıb, onun həyatını xilas etmək mümkün olmayıb. Onların üçü ikisi qardaş olmaqla Birlik kəndindən, digərləri isə Saqareco bölgəsindən olublar.
Yerli medianın yaydığı məlumata əsasən, qəza zamanı xəsarət alan daha bir nəfər xəstəxanada ölüb.
Gürcüstanın Daxili İşlər Nazirliyi qəza ilə bağlı araşdırmaya başlayıb.
