Macarıstanın xarici işlər naziri Anita Orban Rusiyanın Budapeştdəki səfiri Yevgeni Stanislavovu Ukraynadakı mövcud vəziyyətlə bağlı nazirliyə çağırmaq niyyətindədir.
Bizim.Media xəbər verir ki, bu barədə qərarı hökumət iclasının yekunlarını vurğulayan ölkənin yeni təyin olunmuş Baş naziri Peter Madyar jurnalistlərə açıqlamasında deyib.
“Sabah saat 11:00-da yeni hökumətin Xarici İşlər naziri Anita Orban Rusiyanın səfirini Macarıstan XİN-ə (Xarici İşlər Nazirliyinə) çağıracaq”, — deyə Madyar bildirib.
Baş nazirin sözlərinə görə, bu addımın atılmasına səbəb Zakarpatye vilayətində baş vermiş partlayışlar barədə daxil olan xəbərlər olub.
Bundan əlavə, Madyar əlavə edib ki, Rusiya səfirinə Ukraynadakı silahlı qarşıdurmanın nizamlanması yolları barədə Moskvanın niyyətlərinə dair izahat vermək təklif olunacaq.
“Beləliklə, nazir Rusiyanın səfirini XİN-də gözləyəcək”, — deyə Madyar vurğulayıb.
Bizim.Media
