Konkret.az saytından verilən məlumata görə, ain.az xəbər verir.
Bakı Ağır Cinayətlər Məhkəməsində kiber-cinayətkarlıq yolu ilə əldə edilmiş 98 min manat vəsaiti leqallaşdırmaqda ittiham olunan Rusiya Federasiyası vətəndaşları – İqor Zabolotskix və İlnur Valitovun cinayət işi üzrə məhkəmə prosesi yekunlaşıb.
KONKRET.az haqqin.az-a istinadən xəbər verir ki, hakim Səbuhi Hüseynovun sədrliyi ilə keçirilən prosesdə hökm oxunub. Məhkəmənin qərarına əsasən, İqor Zabolotskix və İlnur Valitovun hər biri 3 il müddətinə azadlıqdan məhrum edilib.
Qeyd edək ki, hər iki təqsirləndirilən şəxs Azərbaycan Respublikası Cinayət Məcəlləsinin 193-1.3.2-ci (Cinayət yolu ilə əldə edilmiş əmlakı leqallaşdırma – külli miqdarda törədildikdə) maddəsi ilə təqsirli biliniblər. İstintaq materiallarına görə, onlar kiber-müdaxilələr vasitəsilə əldə etdikləri vəsaitlərin mənşəyini gizlətməyə və rəsmi dövriyyəyə daxil etməyə cəhd göstəriblər.
Natiq Səlim,
KONKRET.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
