ain.az, Demokrat.az portalına istinadən məlumat verir.
Yerimək fiziki sağlamlıq üçün vacib hesab olunur. Lakin düzgün seçilməyən idman ayaqqabıları bütün səyləri boşa çıxara və ayaqlarda deformasiya yarada bilər.Demokrat.az xəbər verir ki, bu barədə fizioterapevt Milika Makdauell “TODAY” nəşrinə müsahibəsində danışıb.Ekspertin sözlərinə görə, böyüklərin 60 faizindən çoxu ayaqqabını düzgün ölçüdə seçmir. Bir çox insan yeniyetməlik dövründən sonra ayağın artıq böyümədiyini düşünsə də, yaş artdıqca ayaq həm uzana, həm də enlənə bilər.“Geniş yayılmış yanlış fikir budur ki, insan ömrü boyu eyni ayaqqabı ölçüsündən istifadə edir. Əksəriyyət düşünür ki, boy artımı dayandıqdan sonra ayaqlar da böyümür”, deyə Makdauell bildirib.Fizioterapevtə görə, ideal seçim burun hissəsi daha geniş olan və dabanla barmaq hissəsi arasındakı hündürlük fərqi 8 millimetrdən az olan ayaqqabılardır. Hazırda dəbdə olan həddindən artıq yumşaq amortizasiyalı ayaqqabılar isə əslində zərər verə bilər, çünki bu halda “bütün işi ayaqqabı görür” və ayaq əzələləri zəifləyir.“Düzgün ayaqqabı ilə uzun gəzintidən sonra ayaqlar yorğun ola bilər, amma narahatlıq hiss edilməməlidir. Əsas fərq də budur”, deyə o vurğulayıb.Mütəxəssis qeyd edib ki, qabarlar, keyimə və qıcolmalar əsas xəbərdaredici əlamətlər sayılır. Makdauell narahat ayaqqabının zamanla “açılacağı” fikrini isə yanlış hesab edir.“Bəzən səbəb corab ola bilər. Amma halların 90 faizində ayaqda su toplaması yaranırsa, deməli ayaqqabı uyğun deyil və sonradan rahatlaşmayacaq”, deyə o əlavə edib.Ekspertin sözlərinə görə, davamlı ağrı hiss olunursa və ya ayaqda sümük çıxıntıları yaranıbsa, dərhal həkimə müraciət etmək lazımdır. Çünki ayaq problemləri gündəlik həyatın bütün sahələrinə təsir göstərir.Jalə
Demokrat.az
Hadisənin gedişatını izləmək üçün ain.az saytında ən son yeniliklərə baxın.
