Gürcüstanlı müğənni və prodüser Bera İvanişvili ailəsi ilə birlikdə Azərbaycana səfər edib.
Musavat.com xəbər verir ki, bu barədə Xalq artisti, iş adamı Emin Ağalarov sosial şəbəkə hesabında paylaşım edib.
Bera İvanişvilini Azərbaycanda Emin Ağalarov qarşılayıb. Daha sonra qonaqlara Sea Breeze Resort layihəsi barədə ətraflı məlumat verilib.
Səfər çərçivəsində onlar birlikdə "Sea Breeze" ərazisini gəzib, layihə daxilində həyata keçirilən yeniliklər və gələcək planlarla tanış olublar.
Qeyd edək ki, Bera İvanişvili Gürcüstanda və ABŞ-də fəaliyyəti ilə tanınan müğənni, repçi və musiqi prodüseridir. O, Gürcüstanın sabiq baş naziri, milyarder Bidzina İvanişvilinin oğludur.
Şahanə Rəhimli
Musavat.com
