ABŞ prezidenti Donald Trampın Avropadan daha çox hərbçini çıxara biləcəyi ilə bağlı NATO ölkələrində ciddi narahatlıq yaranıb.
Musavat.com xəbər verir ki, Bloomberg agentliyinin yaydığı məlumata görə, ABŞ artıq Almaniyadan 5 min hərbçinin çıxarılacağını elan edib.
NATO ölkələrinin yüksəkvəzifəli diplomatları isə Trampın Co Bayden administrasiyası dövründə hazırlanmış Almaniyada uzaqmənzilli raketlərin yerləşdirilməsi planından imtina edə biləcəyini düşünür.
Bloomberg-in məlumatına görə, digər mümkün ssenarilər arasında ABŞ-nin bəzi hərbi təlimlərdə iştirakını azaltması və qoşunların Trampa daha loyal hesab olunan ölkələrə köçürülməsi də var.
Qeyd olunur ki, Vaşinqtonun mümkün addımları Avropa paytaxtlarında ABŞ-nin NATO daxilində gələcək rolu ilə bağlı narahatlığı daha da artırıb.
Musavat.com
