Çində ağaclara xüsusi sistemlərin qoşulması sosial mediada müzakirə mövzusuna çevrilib.
Bakıvaxtı.az xəbər verir ki, sosial şəbəkələrdə azərbaycanlı bir xanımın paylaşdığı video qısa müddətdə diqqət çəkib. Görüntülərdə ağaclara xüsusi şlanqların yerləşdirildiyi əks olunur. Bu sistemlər ağacların daha yaxşı qidalanması və inkişafını təmin etmək məqsədi daşıyır.
Məsələ ilə bağlı sosial mediada müxtəlif fikirlər səsləndirilib. Bəzi istifadəçilər bunu müasir texnologiyanın təbiətə tətbiqi kimi dəyərləndirərək müsbət qarşılayıblar.
Mütəxəssislər bildirirlər ki, bu cür sistemlər bəzi hallarda, xüsusilə şəhər mühitində və ya zəif inkişaf edən ağacların bərpasında istifadə oluna bilər. Belə texnologiyalar vasitəsilə ağaclara birbaşa qida maddələri və su ötürülür, bu da onların daha sürətli böyüməsinə kömək edir.
Qeyd edək ki, oxşar üsullar dünyada "ağac inyeksiyası" və ya xüsusi suvarma sistemləri kimi tanınır və əsasən bitkilərin qorunması və sağlamlığının yaxşılaşdırılması məqsədilə tətbiq olunur./Milli.az
