Almaniya Bundesliqasında 33-cü tura start verilib.
QOL.az xəbər verir ki, turun açılış matçında Dortmund “Borussiya”sı öz meydanında “Ayntraxt”ı qəbul edib. 5 qolun vurulduğu görüşdə sevinən tərəf “Borussiya” olub.
“Borussiya” - “Ayntraxt” - 3:2
Qollar: Uzun, 2 (0:1), Qirassi, 42 (1:1), Şlotterbek, 45+1 (2:1), İnasio, 72 (3:1), Burkardt, 87 (3:2)
Bu qələbə sayəsində xallarının sayını 70-ə çatdıran “Borussiya” çempionatın sonuna bir tur qalmış ikinci pilləni təmin edib. “Ayntraxt” isə 43 xalla turnir cədvəlində 8-cidir.
