ABŞ Prezidenti Donald Tramp 14 və 15 may tarixlərində Çinə planlaşdırılan səfərə “Apple” şirkətinin baş direktoru Tim Kuku və bir neçə böyük Amerika şirkətinin rəhbərlərini dəvət etməyi planlaşdırır.
Yeniavaz.com xəbər verir ki, bu barədə “Semafor” məlumat yayıb.
Nəşrin məlumatına görə, “Nvidia”, “Qualcomm”, “ExxonMobil” və “Boeing” şirkətlərinin rəhbərləri də dəvət ala bilərlər. Səfər zamanı Trampın Çin Prezidenti Si Cinpinlə münasibətlərin möhkəmləndirilməsinə diqqət yetirməsi gözlənilir. ABŞ Maliyyə Naziri Skott Bessent, Ticarət Nümayəndəsi Ceymison Qrin və ABŞ-nin Çindəki səfiri Devid Perdu səfər üçün namizədlərin seçilməsində iştirak ediblər.
Bu, Trampın 2017-ci il səfərindən bəri Amerika prezidentinin Çinə ilk səfəri olacaq.
