“Spartak”ın keçmiş baş direktoru Yuri Zavarzin klubun vacib bir matç ərəfəsində şamandan kömək istədiyi barədə danışıb.
Publika.az xəbər verir ki, “Sovetski Sport” Zavarzindən sitat gətirib:
“Mən “Dinamo” lənətinə inanmıram. Amma fərqli adlarla tanınan sehrbazlar və başqaları var. Başqa dünya möcüzələri də mövcuddur. “Spartak”ı idarə edərkən Oleq Romantsevin icazəsi ilə “ağ sehrbaz” Yuri Lonqonu dəvət etdik. Onu özümüzlə İtaliyaya apardıq ki, bəzi futbolçularla psixoloji sessiya keçsin. Bu sehrbazlar həm də psixoloqdurlar. Onlar sizi ağladacaq hekayələr danışırlar.
Yadımda qalan qədəri ilə “San Siro”da oynayırdıq (yəqin ki, 1997/98 mövsümündə “İnter”ə qarşı Çempionlar Liqasının qrup mərhələsi matçını (1-2) nəzərdə tutur).
