Bakı, 8 may, AZƏRTAC
"Neftçi"nin qadınlardan ibarət 3x3 basketbol komandası Filippinin paytaxtı Manilada təşkil olunan Dünya Seriyasında yarımfinala vəsiqə qazanıb.
AZƏRTAC xəbər verir ki, Azərbaycan təmsilçisi 1/4 finalda Monqolustan millisini mübarizədən kənarlaşdırıb. Görüş komandamızın 21:11 hesablı qələbəsi ilə başa çatıb.
Qeyd edək ki, "Neftçi" yarımfinalda ABŞ - "Ulan-Bator Amazons" (Monqolustan) cütünün qalibi ilə qarşılaşacaq.
