Kanadanın Alberta əyalətinin sakinləri ölkədən ayrılma ilə bağlı referendum keçirilməsi üçün kifayət qədər imza toplayıblar...
Poliqon xəbər verir ki, bu barədə Newsweek məlumat yayıb.
"Stay Free Alberta" təşkilatı seçki komissiyasına təxminən 302 min imza təqdim etdiyini bildirib. Referendumun təşkili üçün minimum 178 min imza tələb olunurdu.
Lakin hakim imzaların doğruluğunun yoxlanılması prosesini müvəqqəti dayandırıb, çünki yerli (aborigen) xalqları təmsil edən qruplar referendumun qanuniliyini məhkəmədə mübahisələndiriblər.
Əyalət hakimiyyətinin nümayəndələri Newsweek-ə bildiriblər ki, hüquqi yoxlama və imzaların təsdiqlənməsi tamamlanmadan növbəti addımlar atıla bilməz. Bütün prosedurlar yekunlaşarsa, əyalət hökuməti məsələni referenduma çıxara və səsvermə tarixini 19 oktyabr olaraq təyin edə bilər.
Alberta əyalətinin baş naziri Daniel Smit bildirib ki, imzalar etibarlı sayılarsa, referendum keçiriləcək, lakin o, əyalətin tam müstəqillik ideyasını dəstəkləmir.
"Bizim hökumətimiz aydın şəkildə bildirib: biz Kanadanın bir hissəsi olaraq güclü və suveren Alberta tərəfdarıyıq. Bu o deməkdir ki, Alberta Kanadanın əyaləti olaraq qalacaq, lakin eyni zamanda biz əyalət muxtariyyətini genişləndirəcəyik və Ottavanın Alberta sakinlərinə zərər verən siyasətinə qarşı mübarizə aparacağıq", deyə Smitin ofisinin sözçüsü Sem Blakett Newsweek-ə bildirib.
Onun sözlərinə görə, hazırda növbəti addımlar məhkəmə qərarından və imzaların yoxlanılmasının nəticəsindən asılıdır.
2025-ci ilin dekabrında CBC News Alberta əyalətində ayrılma ilə bağlı petisiyanın təsdiqləndiyini və referendum üçün təxminən 180 min imza toplama tələb olunduğunu bildirmişdi. Həmçinin aktivistlərin keçmiş Alberta baş naziri Tomas Lukaşukun müqaviməti ilə üzləşdiyi qeyd olunmuşdu. O, təşəbbüsü separatizm kimi qiymətləndirmişdi.
Poliqon.info
