Redaktor.az saytına istinadən ain.az xəbər verir.
Yulaf və arpadan əldə olunan qida lifləri ürək və damar sağlamlığına müsbət təsir göstərir.
Redaktor.az xəbər verir ki, bu barədə dietoloq və qastroenteroloq Nuriya Dianova "gazeta.ru"ya açıqlamasında bildirib.
Onun sözlərinə görə, lif qəbulunun artırılması sağlamlığı dəstəkləməyin ən sadə və əlçatan yollarından biridir. Bunun üçün xüsusi əlavələrə və ya bahalı testlərə ehtiyac yoxdur, sadəcə gündəlik rasiona daha çox tərəvəz, meyvə, tam taxıl məhsulları və paxlalılar daxil etmək kifayətdir.
Mütəxəssis qeyd edib ki, müxtəlif lif növləri bağırsaq mikrobiotası ilə fərqli şəkildə qarşılıqlı təsirə girir və müxtəlif fizioloji effektlər yaradır. Bu isə konkret məqsədlər üçün xüsusi seçilmiş liflərdən istifadə imkanını yaradır.
Xüsusilə yulaf və arpanın tərkibində olan beta-qlükanların ürək-damar sistemi üçün faydası elmi olaraq sübut edilib. Bu maddələr xolesterinin səviyyəsinin tənzimlənməsinə kömək edir və ürək xəstəlikləri riskini azalda bilər.
Bundan əlavə, prebiotik liflərin də əhəmiyyəti vurğulanır. Bu liflər bağırsaqdakı faydalı bakteriyalar üçün qida rolunu oynayır və onların fermentasiyası nəticəsində yaranan maddələr immun sistemini gücləndirir, maddələr mübadiləsini tənzimləyir və ümumi sağlamlığa müsbət təsir göstərir.
Mütəxəssis sağlam qidalanma üçün liflə zəngin məhsulların gündəlik rasionda müntəzəm yer almasını tövsiyə edir.
NURİYYƏ
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
