Redaktor.az saytına istinadən ain.az xəbər verir.
Yatmazdan əvvəl smartfon və planşetlərdən yayılan "mavi işıq" sadəcə yuxumuzu qaçırmır, həm də çəki artımına birbaşa şərait yaradır.
Redaktor.az "Sleep Foundation" və Şimal-Qərb Universitetinin (Northwestern University) birgə araşdırmasına istinadən xəbər verir ki, rəqəmsal cihazların ekranları beynimizi aldadaraq maddələr mübadiləsini süni şəkildə pozur.
Məlumata görə, cihazların ekranlarından yayılan süni mavi işıq beynin yuxu hormonu olan melatonin istehsalını kəskin şəkildə bloklayır. Beyin bu işığı gün işığı kimi qəbul etdiyi üçün "oyanıqlıq" rejiminə keçir. Bu proses zamanı bədəndə maraqlı bir hormonal dəyişiklik baş verir: toxluq hissi verən leptin hormonu azalır, aclıq siqnalı ötürən qrelin hormonu isə artır. Nəticədə, insan fiziki olaraq ac olmasa da, beyin qan şəkərini qaldırmaq üçün yüksək kalorili və şəkərli qidalara ehtiyac duyulduğu siqnalını göndərir.
Tədqiqatlar göstərir ki, mavi işığa məruz qalan insanlarda maddələr mübadiləsi (metabolizm) ləngiyir. Gecə vaxtı "oyaq" qalan beyin enerji sərfiyyatını artırmaq əvəzinə, bədəni "ehtiyat toplamaq" rejiminə salır. Bu isə gecə saatlarında yeyilən qidaların enerjiyə çevrilmək əvəzinə, birbaşa piy qatı kimi depolanmasına və insulinin işinin pozulmasına səbəb olur.
Alimlər xəbərdarlıq edirlər ki, "Ekran asılılığı" təkcə yorğunluğa deyil, həm də müasir dövrün ən böyük problemlərindən olan piylənmə və ikinci tip şəkərli diabetə gedən yolu sürətləndirir.
Xədicə BAXIŞLI
Ən son xəbərləri və yenilikləri almaq üçün ain.az saytını izləyin.
