Turkstan.az portalından əldə olunan məlumata əsasən, ain.az xəbər verir.
NASA-nın 55 yaşlı əməkdaşı, elmlər doktoru İnqrid Honkala ölümdən sonrakı həyatla bağlı hər kəsi heyrətə gətirən açıqlamalar verib. Üç dəfə ölümün astanasından dönən alim hər dəfə eyni mənzərə ilə qarşılaşdığını bildirib.
Turkustan.az "Mirror" nəşrinə istinadən xəbər verir ki, İnqrid ilk dəfə bu hissi 2 yaşında buzlu suya yıxılarkən, ikinci dəfə 25 yaşında motosiklet qəzasında, sonuncu dəfə isə 52 yaşında cərrahiyyə masasında yaşayıb.
ABŞ Hərbi Dəniz Qüvvələrində və NASA-da çalışmış alim qeyd edir ki, can verən anlarda onda panika deyil, sonsuz bir sakitlik yaranıb: "Mən cansız bədənimə kənardan baxırdım. Şüur zamanın və qorxunun olmadığı təmiz bir işıq sahəsinə çevrilmişdi. Orada həyatla tam bir vəhdət hiss edirdim".
İnqridin sözlərinə görə, o, həmin vəziyyətdə anası ilə zehni olaraq əlaqə qura bilib. Maraqlıdır ki, sonradan onun və anasının həmin anla bağlı xatirələri tamamilə üst-üstə düşüb.
NASA əməkdaşı o dünyada sözsüz ünsiyyət quran "İşıq varlıqları" ilə rastlaşdığını da iddia edir. Bu qeyri-adi təcrübələr onu reallığı araşdırmaq üçün elm sahəsinə yönəldib. İnqrid əmindir ki, elm və mənəviyyat bir-birinə zidd deyil, şüur isə bədən öldükdən sonra da mövcud olmağa davam edir.
Alim artıq ölümdən qorxmadığını və bunu reallığın daha dərin qatına keçid adlandırdığını bildirib./publika.az
Hadisənin gedişatını izləmək üçün ain.az saytında ən son yeniliklərə baxın.
