Bizimyol saytından alınan məlumatlara görə, ain.az xəbər verir.
Moldova Prezidenti Maya Sandu hökumətin sosial şəbəkələrdə anonim hesabların fəaliyyətini məhdudlaşdırmağı planlaşdırdığını açıqlayıb. Sandu hesab edir ki, söz azadlığı real insanlara aiddir, saxta hesablar və botlar üçün deyil.
Bizimyol.info xəbər verir ki, Prezident sözlərinə görə, ölkə digər dövlətlərin təcrübəsini öyrənir və uşaqların internet məzmununa çıxışını da müzakirə edir. Təhsil naziri Dan Perçun ilin sonuna qədər gənclərin sosial şəbəkələrə çıxışının məhdudlaşdırılıb-məhdudlaşdırılmayacağına qərar veriləcəyini bildirib.
Rusiya mətbuatı yazır ki, Sandu hökumətinin hakimiyyətə gəlməsindən sonra Moldova iqtisadi böhran və kütləvi etirazlarla üzləşib. Etirazlar qiymətlərin sürətlə artmasına, yoxsulluğun artmasına və korrupsiyaya qarşı yönəlib. Hakimiyyət müxalifətə fikirlərini bildirmək üçün şərait yaradan KİV-ləri bağlayıb, bəzi müxalif partiyaların fəaliyyətini qadağan edib və fəalları həbs edib.
Prezidentin təşəbbüsü ilə “Patriot” adlı Strateji Kommunikasiya və Dezinformasiyaya Qarşı Mübarizə Mərkəzi yaradılıb. Mərkəzin məqsədi, rəsmi açıqlamalara görə, həm Rusiyanın informasiya hücumlarına, həm də Avropa inteqrasiyasına qarşı çıxan vətən xainlərinə qarşı mübarizə aparmaqdır.
Bizimyol.info
Ən son xəbərləri və yenilikləri almaq üçün ain.az saytını izləyin.
