Almaniyanın Leypsiq şəhərinin mərkəzindəki piyada zolağında avtomobil izdihamın üzərinə sürülüb. Oxuməni.az –ın məlumatına görə, DW yerli hakimiyyət orqanlarına istinadən xəbər verir ki, iki nəfər ölüb, üç nəfər isə ağır yaralanıb.
Ölən və ağır yaralananlardan əlavə, daha 20 nəfərin yaralandığı məlumdur.
Saksonun daxili işlər naziri Armin Şusterin sözlərinə görə, hücumda şübhəli bilinən şəxs 33 yaşlı Almaniya vətəndaşıdır. Leypsiqdə cinayət törətməkdə şübhəli bilinən sürücü müqavimət göstərmədən təslim olub. "Biz cinayətkarı avtomobilin içində saxladıq", - Leypsiq polis rəisi Rene Demmler bildirib.
Dövlət prokurorluğu iki nəfərin qətli və ən azı iki nəfərin öldürülməsinə cəhdlə bağlı istintaq açıb. Prokuror bildirib ki, istintaq bunun qəsdən törədilmiş hücum olduğu ehtimalına əsaslanır. Onun ofisinə görə, mümkün cinayətkarlara dair heç bir dəlil yoxdur. Leypsiq polisi bildirib ki, "sürücü saxlanılıb və hazırda başqa təhlükə yaratmır". Hüquq-mühafizə orqanlarının sözçüsü jurnalistlərə bildirib ki, sürücü "Almaniyada anadan olmuş Almaniya vətəndaşıdır". Əlavə məlumat hazırda açıqlanmır.
Bild qəzetinin məlumatına görə, sürücü Leypsiqin mərkəzində sürətlə hərəkət edirmiş. Hadisə Grimmaishes Strasse ticarət küçəsində baş verib. Toqquşmanın səbəbi məlum deyil.
Almaz Həsənli
