Xalqcebhesi portalından əldə olunan məlumata əsasən, ain.az xəbər verir.
Böyük Britaniyanın Baş naziri Kir Starmer bazar ertəsi İranın Birləşmiş Ərəb Əmirlikləri (BƏƏ) ərazisinə pilotsuz uçuş aparatları və raketlərlə endirdiyi zərbələri pisləyib.
Xalqcebhesi.az xəbər verir ki, bu barədə "Reuters" agentliyi Baş nazirin dəftərxanasına istinadən məlumat yayıb.
Starmer İranı Yaxın Şərqdə gərginliyin daha da artmasının qarşısını almaq üçün diplomatiyaya müraciət etməyə çağırıb.
"Biz BƏƏ ilə həmrəyik və Körfəzdəki tərəfdaşlarımızın müdafiə qabiliyyətini dəstəkləməyə davam edəcəyik. Bu eskalasiya dayandırılmalıdır. İran Yaxın Şərqdə atəşkəs rejiminə riayət olunmasını və uzunmüddətli diplomatik həll yolunun əldə edilməsini təmin etmək üçün danışıqlarda konstruktiv iştirak etməlidir", — deyə Starmer bəyan edib.
Qeyd edək ki, bazar ertəsi İran Hörmüz boğazında bir neçə gəmiyə hücum edib və BƏƏ-dəki neft limanını yandırıb. Bu hadisə, ABŞ Prezidenti Donald Trampın gəmiçiliyi azad etmək üçün ABŞ Hərbi Dəniz Qüvvələrini cəlb etmək cəhdinin dörd həftə əvvəl elan edilmiş atəşkəsdən bəri müharibənin ən böyük eskalasiyasına səbəb olmasından sonra baş verib.
Məryəm Quliyeva
Ən son xəbərləri və yenilikləri almaq üçün ain.az saytını izləyin.
