İspaniyanın "Vilyarreal" klubu mövsümün sonunda baş məşqçisi Marselino Qarsiya Toralla yollarını ayıracaq.
QOL.az xəbər verir ki, bu barədə La Liqa təmsilçisinin mətbuat xidməti məlumat yayıb.
İspaniyalı mütəxəssis 2023-cü ildən komandanı çalışdırırdı. O, 2013-cü ildən 2016-cı ilədək də "Vilyarreal"ın baş məşqçisi olub. Marselino klub tarixində ən çox oyun keçirən mütəxəssis olmaqla yanaşı, baş məşqçilər arasında qələbə rekorduna (145) da sahibdir.
"Vilyarreal" hazırda La Liqada 68 xalla üçüncü pillədə qərarlaşıb.
