Formula 1: Kimi Antonelli Mayamidə də hamını qabaqladı – ARENA.AZ

Bu gün Formula 1 üzrə dünya çempionatında 2026-cı il mövsümünün növbəti mərhələsi – 4-cü qran-prisi baş tutub.

Arena.az xəbər verir ki, budəfəki yarış Mayami (ABŞ, Florida) şəhərində təşkil olunub.

Bundan əvvəlki Yaponiya və Çin qran-prilərində olduğu kimi, Mayami qran-prisində də “Mersedes”in gənc pilotu Kimi Antonelli qalib olub. 19 yaşlı italiyalı sürücü 57 dövrəlik yarışda üstünlüyünü sonadək qoruyaraq zəfərini rəsmiləşdirib. Bu, onun həm cari mövsümdə, həm də karyerası ərzində 3-cü zəfərdir.

İkinci yeri “Maklaren”in sürücüsü Landro Norris tutub. İlk üçlüyü “Maklaren”in digər pilotu Oskar Piastri qapayıb.

Beləliklə, geridə qalmış 3 mərhələdən sonra Kimi Antonelli 100 xalla vahid liderdir. Antonellinin komanda yoldaşı Corc Rassel 80 xalla ikinci pillədə qərarlaşıb. “Ferrari”nin pilotu Şarl Lekler isə 63 xalla üçüncüdür.

Mühəndislər Kubokunda “Mersedes” 180 xalla ilk sırada qərarlaşıb. “Ferrari” 112 xalla ikinci, “Maklaren” isə 94 xalla üçüncü yerdə gedir.

Formula 1 üzrə dünya çempionatında 2026-cı il mövsümünün növbəti – 5-ci qran-prisi Kanadada keçiriləcək. Monrealda baş tutacaq bu yarış mayın 24-də təşkil olunacaq.

Formula 1 üzrə dünya çempionatı, 2026

Pilotların yarışında turnir cədvəli:

1. Kimi Antonelli (Mersedes) – 100
2. Corc Rassell (Mersedes) – 80
3. Şarl Lekler (Ferrari) – 63
4. Lando Norris (Maklaren) – 51
5. Luis Hamilton (Ferrari) – 49
6. Oskar Piastri (Maklaren) – 43
7. Maks Ferstappen (Red Bull) – 26
8. Oliver Berman (Haas) – 17
9. Pyer Qasli (Alpin) – 16
10. Liam Louson (Rasinq Bulls) – 10
11. Franko Kolapinto (Alpin) – 5
12. Arvid Linblad (Rasinq Bulls) – 4
13. İsaak Hacar (Red Bull) – 4
14. Karlos Sayns (Uilyams) – 4
15. Qabriel Bortoleto (Audi) – 2
16. Esteban Okon (Haas) – 1
17. Aleksander Albon (Uilyams) – 0
18. Serxio Peres (Kadillak) – 0
19. Niko Hulkenberq (Audi) – 0
20. Fernando Alonso (Aston Martin) – 0
21. Valtteri Bottas (Kadillak) – 0
22. Lens Stroll (Aston Martin) – 0

Mühəndislər Kubokunda xal sıralaması:

1. Mersedes – 180
2. Ferrari – 112
3. Maklaren – 94
4. Red Bull – 30
5. Alpin – 21
6. Haas – 18
7. Rasinq Bulls – 14
8. Uilyams – 5
9. Audi – 2
10. Kadillak – 0
11. Aston Martin – 0