ain.az, Redaktor.az portalına istinadən məlumat yayır.
Donald Tramp şənbə günü Tehranın yeni sülh təklifini nəzərdən keçirəcəyini, lakin bu təklifin perspektivlərinə şübhə ilə yanaşdığını bildirib. O, İranın hələ "kifayət qədər böyük bir qiymət ödəmədiyini" vurğulayıb.
Redaktor.az xəbər verir ki, İranın Pakistan vasitəsilə ABŞ-yə 14 maddəlik yeni bir sülh təklifi göndərdiyi barədə məlumatlar yayılıb. Bu barədə İranın yarımhərbi İnqilab Keşikçilərinə yaxınlığı ilə tanınan "Tasnim" və "Fars" xəbər agentlikləri məlumat paylaşıb.
Tramp şənbə günü "Air Force One" təyyarəsinə minməzdən əvvəl jurnalistlərə açıqlamasında təklifdən xəbərdar olduğunu deyib: "Bu barədə sizə daha sonra məlumat verəcəyəm. İndi mənə dəqiq ifadəni verəcəklər".
Lakin qısa müddət sonra sosial media hesabında paylaşım edən Tramp Tehrana qarşı sərt mövqeyini nümayiş etdirib. O bildirib ki, İranın son 47 ildə bəşəriyyətə və dünyaya etdiklərinə görə hələ kifayət qədər ağır bədəl ödəmədiyini düşünür və bu səbəbdən yeni təklifin məqbul olacağını təsəvvür edə bilmir.
Aminə ŞAHSUVARQIZI
Ən son xəbərləri və yenilikləri almaq üçün ain.az saytını izləyin.
