LNG bazarı birinci rübdə 3,8 faiz böyüyüb

Banco.az portalından verilən məlumata görə, ain.az xəbər yayır.

Müəllif: Tamara Mustafayeva, Banco.az

Mayeləşdirilmiş təbii qaz (LNG) bazarı birinci rübdə 3,8 faiz böyüyüb.

Banco.az xəbər verir ki, Neft İxrac Edən Ərəb Ölkələri Təşkilatının (OAPEC) 2026-cı ilin ilk rübündə mayeləşdirilmiş təbii qaz (LNG) bazarına dair hesabatından əldə olunan məlumatlara görə, ABŞ və İsrailin 28 fevral tarixində İrana qarşı başlatdığı hücumlar və İranın cavab tədbirlərinə baxmayaraq, mart ayının əvvəlində Yaxın Şərqdəki LNG obyektlərinin hədəf alınmasına rəğmən qlobal ixrac artımı davam edib.

Bölgədə obyektlərin zərər görməsi və Hörmüz boğazında keçidlərin pozulması səbəbindən azalan ixrac gücü, əsasən ABŞ olmaqla digər istehsalçıların göndərişləri artırması ilə tarazlaşdırılıb.

ABŞ-da mövcud mayeləşdirmə terminallarında istismar səviyyəsinin yüksəlməsi və “Corpus Christi Stage III” genişləndirmə layihəsi çərçivəsində yeni qurğuların istismara verilməsi ixrac artımını dəstəkləyib. Kanadada fəaliyyətə başlayan “LNG Canada” obyektinin də qlobal təklifin artmasına töhfə verdiyi qeyd olunur.

Bizi sosial şəbəkələrdən izləyin!!

Daha ətraflı məlumat və yeniliklər üçün ain.az saytını izləyin.