Monarxın ABŞ-yə dövlət səfərinin üçüncü günündə Nyu-York meri Zöhran Mamdani Kral III Çarlzdan 19-cu əsrdə Britaniya İmperiyası dövründə Hindistandan götürülmüş Koh-i-Nur almazını qaytarmağı tələb edib.Bu barədə Mignews.com portalı xəbər verir.
Nyu-Yorkda 11 sentyabr terror hücumlarının qurbanlarının xatirəsinə həsr olunmuş tədbirdə iştirak etməzdən əvvəl Mamdani monarxla mümkün söhbətlə bağlı suala cavab verib. O, belə bir halda tarixi yadigarın qaytarılması məsələsini qaldıracağını bildirib.
"Əgər kralla bu məsələdən ayrıca danışmalı olsaydım, yəqin ki, onu Koh-i-Nur almazını qaytarmağa çağırardım", - deyə Mamdani əlavə edib və əsas diqqətinin qurbanların xatirəsinə yönəldiyini vurğulayıb.
Koh-i-Nur dünyanın ən məşhur qiymətli daşlarından biridir və hazırda Britaniya Tac Zərgərliklərində saxlanılır. Onun mənşəyi və mülkiyyət tarixi beynəlxalq mübahisələrin mövzusu olaraq qalır.
Mamdaninin bu məsələni Kralla görüşü zamanı birbaşa qaldırıb-qaldırmadığı hələ də məlum deyil.
Rizvan CƏFƏROV,
“Azərbaycan”
