Bizimyol portalından verilən məlumata görə, ain.az xəbər yayır.
Böyük Britaniyanın Baş Naziri Keir Starmer yəhudi icmasının nümayəndələri ilə görüş zamanı səs-küy və tənqidlə qarşılanıb. Görüş Londonun şimalında anti-semit hücumundan bir gün sonra baş tutub.
Bizimyol.info xəbər verir ki, "Sky News" kanalının yayımladığı görüntülərə görə, hökumət başçısı “Keir Starmer, yəhudilər üçün zərərverici” yazılmış plakatlar və “Sənə ayıb olsun” şüarları ilə qarşılanıb. Toplananlar həmçinin Starmeri anti-semitizmə qarşı mübarizədə uğursuz olmaqda ittiham edərək onu xəyanətkar adlandırıblar.
Çərşənbə günü Londonun şimalındakı Golders Green rayonunda, böyük yəhudi icmasının yaşadığı ərazidə iki nəfərə bıçaqla hücum edilib. Hadisə nəticəsində 34 və 76 yaşlı yəhudi kişilər yaralanıb. Onlar xəstəxanadadır və vəziyyətləri stabildir. Hücumu Somali əsilli, Britaniya vətəndaşı olan şəxs törədib və hadisə terror aktı kimi qiymətləndirilib.
Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
