ain.az, Azertag portalından verilən məlumatlara əsaslanaraq xəbər verir.
Bakı, 28 aprel, AZƏRTAC
Müəllimlərin sertifikatlaşdırılması prosesinə cəlb olunanların sayı ümumilikdə 100 minə çatdırılacaq.
AZƏRTAC xəbər verir ki, bunu Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov aprelin 28-də keçirilən brifinqdə deyib. O bildirib ki, bu il tarix, texnologiya, fiziki tərbiyə müəllimləri ilk dəfə sertifikasiya prosesinə cəlb olunacaqlar: “Həmçinin bu il ilk dəfə məktəbəqədər təhsil müəssisələrində çalışan təhsilverənlərin sertifikatlaşdırılması prosesi həyata keçiriləcək.
Doxsan min müəllimin əməkhaqqı diferensial qaydada tənzimlənəcək”.
Eşqi Bağırov qeyd edib ki, 2026-cı il üzrə sertifikatlaşdırılma prosesinin iyunun 17-19-da, 23-25-də təşkil olunması planlaşdırılır: “Məktəbəqədər təhsil müəssisələri üzrə sertifikatlaşdırmanın oktyabr ayında təşkili planlaşdırılır”.
Müxbir - Aysel Azadqızı
Videooperator - Mirrəsul Cəfərov
Sonrakı hadisələr barədə daha çox məlumat almaq üçün ain.az saytını izləyin.
