Ermənistanın “Cermux” mineral suyunun bir partiyasının oflayn və onlayn pərakəndə satışı Rusiyada dayandırılıb.
Publika.az xəbər verir ki, bu barədə Qabaqcıl Texnologiyaların İnkişafı Mərkəzinin baş direktorunun müavini Revaz Yusupov RBC-yə bildirib.
Onun sözlərinə görə, təxminən 338.000 şüşə dövriyyədə olub və yoxlama aparılana qədər bloklanıb. Buna səbəb “Rospotrebnadzor”a (İstehlakçı Hüquqlarının Müdafiəsi və İnsan Rifahına Nəzarət üzrə Federal Xidmət) ictimai sağlamlığa mümkün zərərin qarşısını almaq üçün tədbirlər görmək tələbi olub. Səbəb məcburi tələblərin pozulmasıdır.
Məhdudiyyətlər istehsal tarixləri 17 fevral və 5 mart 2026-cı il olan məhsullara təsir edib.
Yusupov qeyd edib ki, yoxlama başa çatana qədər məhsul istehlakçılara çatmayacaq.
