ain.az bildirir, Ayna portalına istinadən.
Yaraqlılardan biri Sadio Camaranın evinin yaxınlığında özünü avtomobil bombası ilə partladıb
Malinin müdafiə naziri Sadio Camara 25 apreldə öldürülüb. AYNA.AZ xəbər verir ki, bu barədə “Jeune Afrique” mənbələrə istinadən məlumat yayıb.
Mənbələrin sözlərinə görə, yaraqlılar nazirin Kati şəhərindəki evinə hücum ediblər.
“Le Figaro” qəzetinin məlumatına görə, o və ailəsinin bir neçə üzvü də öldürülüb.
“Jeune Afrique” mənbələri hücumda “Camaat Nusrat əl-İslam vəl-Müslimin” (JNIM) cihadçı qruplaşmasının üzvlərinin iştirak etdiyini iddia ediblər. Jurnalın mənbələrinə görə, yaraqlılardan biri Sadio Camaranın evinin yaxınlığında özünü avtomobil bombası ilə partladıb. Güclü partlayış yaşayış yerini tamamilə dağıdıb.
AFP-nin müsahibə verdiyi şahidlər Sadio Camaranın yaşayış yerinə ciddi ziyan dəydiyini təsdiqləyiblər. Lakin nazirin nümayəndələri onun yaxşı olduğunu iddia edirlər. Agentliyin mənbəsi Camaranın xəstəxanaya yerləşdirildiyini bildirib.
Qeyd edək ki, 25 apreldə Malinin paytaxtı Bamakoda və bir neçə digər rayonda hərbçilər ilə JNIM yaraqlıları arasında döyüşlər baş verib. Qrup “Əl-Qaidə” ilə əlaqəlidir. JNIM Mali prezident iqamətgahına, Müdafiə Nazirliyinin qərargahına və Bamako Beynəlxalq Hava Limanına da daxil olmaqla bir neçə hücum barədə məlumat verib. Mali Baş Qərargahı bütün hücumların dəf edildiyini açıqlayıb. Bamako və ətraf ərazilərdə komendant saatı tətbiq edilib.
Sonrakı hadisələr barədə daha çox məlumat almaq üçün ain.az saytını izləyin.
