Azertag saytından verilən məlumata görə, ain.az xəbər verir.
Strasburq, 24 aprel, AZƏRTAC
Milli Görüş İslam Konfederasiyasının (CIMG) Şərq bölməsi Strasburqdakı Böyük Eyyub Sultan məscidinin maliyyələşdirilməsi ilə bağlı yayılan məlumatları qətiyyətlə təkzib edib və bütün maliyyənin yalnız şəxsi ianələrdən gəldiyini bildirib.
AZƏRTAC xəbər verir ki, yayımlanan və məscidin rəhbəri Kadir Ali Demir tərəfindən imzalanmış açıqlamada sosial şəbəkələrdə Strasburqdakı Böyük Eyyub Sultan Məscidi ilə bağlı çoxsaylı səhv məlumatlar paylaşıldığı bildirilir.
CIMG layihənin maliyyələşdirilməsində heç bir xarici dövlətin iştirak etmədiyini vurğulayıb.
Açıqlamada bildirilir: “Məscidimizin Türkiyə və ya Qatar tərəfindən maliyyələşdirildiyi iddiası tamamilə əsassızdır”. Həmçinin qeyd olunur ki, bu günədək heç bir dövlət layihəyə birbaşa və ya dolayı yolla maliyyə dəstəyi verməyib.
CIMG Şərq bölməsi məscidin inşasının yalnız şəxsi ianələr hesabına baş tutduğunu açıqlayıb.
Sonrakı hadisələr barədə daha çox məlumat almaq üçün ain.az saytını izləyin.
