Azertag portalından alınan məlumata görə, ain.az xəbər verir.
Tbilisi, 23 aprel, AZƏRTAC
Gürcüstanın Azərbaycandakı səfiri Zurab Pataradze Acarıstan Muxtar Respublikası hökumətinin yeni sədri olacaq. Onun bu vəzifəyə namizədliyini Gürcüstan Prezidenti Mixeil Kavelaşvili irəli sürüb.
AZƏRTAC xəbər verir ki, bu barədə Prezident Mixeil Kavelaşvili bugünkü brifinqdə məlumat verib.
Qeyd edək ki, Zurab Pataradze 2016-2018-ci illərdə də Acarıstan Muxtar Respublikası Hökumətinin sədri vəzifəsində çalışıb. Onun regionda bir sıra mühüm və uğurlu layihələrin həyata keçirilməsində, eləcə də Acarıstan MR ilə Azərbaycanın Naxçıvan Muxtar Respublikası arasında əlaqələrin inkişafında, Naxçıvan və Batumi şəhərlərinin qardaşlamasında xidmətləri olub.
Xətayi Əzizov
AZƏRTAC-ın xüsusi müxbiri
Tbilisi
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
