Nigeriyada iqtisadi çətinliklərə etiraz olaraq paytaxt Abuja və digər şəhərlərdə aksiyalar keçirilib. Nümayişçilər “artıq aclıq olmasın” şüarı ilə küçələrə çıxıb, polis isə bəzi yerlərdə gözyaşardıcı qazdan istifadə edib.
QHT.az xarici mediaya istinadən bildirir ki, etirazçılar hökuməti sadə insanların problemlərinə biganə qalmaqda və “anti-kasıb” siyasətlər yürütməkdə ittiham edirlər. Onlar yanacaq və elektrik qiymətlərinin aşağı salınmasını, saxlanılan fəalların azad edilməsini tələb edirlər.
Prezident Bola Tinubunun iqtisadi islahatlarından sonra naira dəyər itirib, qiymətlər artıb və ərzaq qıtlığı dərinləşib. Rəsmilər yardım proqramları açıqlasa da, ekspertlər inflyasiya səbəbindən bunun təsirinin zəif olduğunu bildirirlər.
Hökumət isə vəziyyətin yaxın zamanda yaxşılaşacağını və islahatların nəticə verəcəyini açıqlayıb.
