ain.az, Azpolitika.az saytından verilən məlumata əsaslanaraq xəbər yayır.
Son günlər ruspərəst və revanşist erməni mediasında Qarabağdakı qanunsuz erməni tikintilərinin sökülməsilə bağlı hay-küy qaldırılır.
Bu prosesə Rusiyadakı ermənipərəst və Azərbaycan əleyhdarı siyasi qüvvələr də xüsusi dəstək verirlər. Bunların arasında Rusiya Dövlət Dumasının hakim “Vahid Rusiya” partiyasından olan qalmaqallı deputatı Vitali Milonov da var.
“AzPolitika” xəbər verir ki, Milli Məclisin deputatı Rasim Musabəyov deputat Milonovun Azərbaycanın daxili işlərinə qarışan ermənipərəst açıqlamalarına cavab verib.
Musabəyov öz sosial şəbəkə səhifəsində Dumada Azərbaycan əleyhinə fikirlərin tez-tez səsləndiyini qeyd edib: “Təəssüf ki, Rusiya Dövlət Dumasında Azərbaycanofobiya xarakterli ifadələrin işlənməsi nadir hal deyil. Lakin bu fonda belə, deputat Milonov qalmaqallı davranışları və ölkəmizə qarşı əsassız hücumları ilə seçilir. Bu dəfə o, 30 illik işğaldan azad edilmiş Qarabağ bölgəsində icazəsiz tikilmiş erməni kilsələrinin sökülməsinə görə "göz yaşı tökdü”. Bu yeni tikililərin heç bir mədəni və tarixi dəyəri yoxdur. Onlarda nə kilsə üzvləri var, nə də ruhanilər yaşayır. Əslində, bu tikililər əbədi işğalın və erməni kimliyinin simvolu kimi tikilib. Bu torpağın əsl sahibləri Qarabağa qayıdıblar və orada devrilmiş işğal rejiminin qanunsuz tikililərini saxlayıb-saxlamamaq barədə qanuni qərarlar qəbul edirlər. Milonovun özünə gəldikdə isə o, dəfələrlə işğal olunmuş Azərbaycan ərazilərinə qanunsuz səfərlər edib və separatçı liderlərlə qaranlıq işgüzar əlaqələr qurub. Hətta 44 günlük müharibə zamanı belə, o, qənimətin bir hissəsini götürmək və cinayətkar müəssisəsini bağlamaq üçün Qarabağa qaçıb. Milonov, Qarabağdakı dağıdılmış Azərbaycan məscidlərini, təhqir olunmuş qəbiristanlıqları, talan edilmiş şəhər və kəndləri görməyə bilməzdin. Amma buna etiraz etmirdin. Deməli, ağzını yummalıydın. Qatı islamofob kimi tanınan birinin tökdüyü timsah göz yaşları isə çətin ki, kimisə inandırır”.
“AzPolitika.info”
Hadisənin gedişatını izləmək üçün ain.az saytında ən son yeniliklərə baxın.
